Yehi Sochta Main Chala Gaya…….

Woh jo roshni ki tarha barhey,

Magar ansuon main sama sakey,

Jo subha ki pehli kiran banay,

Mere dil ka aangan nikhaar day,

Comments (2)|10 Liked It

Yehi sochta main chala gaya……..

Woh khaloos tha k khumar tha, 

Woh janoon tha k saraab tha ,

Mujhay sochney mein zaman laga ,

Mujhay munzilon nay bhoola diya ,

Mujhay jis masiha pay maan tha ,

Mujhay us nay sooli charha diya ,

Kai humsafar kai rahguzr ,

Mujhay rastey main miley magar, 

Meri tushnagi kuch aur hai, 

Meri justajoo koi aur hai ,

Woh jo roshni ki tarha barhey ,

Magar ansuon main sama sakey ,

Jo subha ki pehli kiran banay ,

Mere dil ka aangan nikhaar day ,

Jo muhabbaton ki ravaytein ,

Laho ki bali se sanwaar day ,

Mujhay us wafa ki talaash hai ,

Mujhay us wafa ki talaash hai ,

Magar is jahan-e-kharab main ,

Yahan khuahishon ke saraab main ,

Mujhey kaun day aisy wafa ,

Mein kahan se laoon woh wafa ,

Inhi uljhanon main ghira hua, 

Yehi sochta main chala gaya…………………..,

******************************************************************************************************************************************

Jane Dy…………………

Iss Shanasai Ki Deevaar Ko Gir Jane De,

Tu Mujhe Paas Se Chup Chaap Guzar Jane De,

Zindgi Gham Mein Tere Khud Hi Bikhar Jaye Gi,

Hijar K Dard Ka Mafhoom Samajh Aane De,

Haan Tere Baad Sambhal Ja’ein Gy Raftaa Rafta,

Hum Isi Aas Mein Hain, Hum Ko Byhel Jane De,

Apni Marzi Se Samaitay Hain Yeh Aansu Main Ne,

Mujh Ko Iss Dard K Dariya Men Utar Jane De,

Gham-E-Tnhai Tujhe Khak Na Kr De Aakhir,

Tham Le Hath Koi Or Meri Fikar Jane De………..!!!!!!!!!!!

*******************************************************************************************************************************************

Tu Kidhar Gaya, Me Kidhar Gaya………….

Kat hi gai judai bhi kab yun hua ke mar gaye, 

Tere bhi din guzar gaye mere bhi din guzar gaye, 

Tu bhi kuch aur hai ham bhi kuch aur hain ,

Jaane wo TU kidhar gayaa jaane wo ham kidhar gaye ,

Raahon mein hi mile the ham raahein nasiib ban gayein ,

Tu bhi na apane ghar gaya ham bhii na apane ghar gaye ,

Wo bhi Gubaar-e-Khaak tha ham bhii Gubaar-e-Khaak thay, 

Wo bhi kahin bikhar gaya ham bhi kahin bikhar gaye ,

Koi kinaar-e-aab- e-juu baithaa huaa hai sar nigoon ,

Kashti kidhar chali gaye jaane kidhar bhanwar gaye……….,!!!!!!!!!!!!!

Tags: , , , , , , ,
2 Comments
  1. Posted December 17, 2011 at 2:35 am

    nice post

  2. Posted January 19, 2012 at 12:56 pm

    amazing superb awesome post

Post Comment
comments powered by Disqus